Dili, 23 Juñu 2026 – Conselho de Imprensa de Timor-Leste (CITL) hato’o kondolénsia kle’an ba família Saudozu Francisco Guterres “Lú-Olo”, eis Prezidente da Repúblika no veteranu luta libertasaun nasional durante tinan 24, ne’ebé fila hikas ona ba Aman Maromak nia kadunan santu iha nia rezidénsia iha Faról, Dili.
“Saudozu Lú-Olo, Ita Boot Nia Luta Durante Tinan 24 Atu Povu Timor-Leste Bele Moris Livre Hanesan Manu iha Lalehan no Ikan iha Tasi. Ita Boot ba Ona, Maibé Ita Boot Nia Naran, Sakrifísiu, no Ita Boot Nia Legadu Sei Moris Nafatin iha Istória no Povu Timor-Leste Nia Laran,” Prezidente Interina Conselho de Imprensa, Konselleira Suzana Bui Rai Carlota Cardoso nia Mensajen Omenájen ba Saudozu Francisco Guterres “Lú-Olo”
Suadozu ninia mate hanesan lakon boot ida ba ninia família, ba povu no rai doebn Timor-Leste tomak. Saudozu Lú-Olo nia luta, dedikasaun, no karakter ezemplár sei hanoin nafatin nu’udar parte importante iha ita-nia nasaun no ita nia istória.
Francisco Guterres "Lú-Olo" moris iha loron 7 Setembru 1954 no hakotu iis iha loron 21 Juñu 2026, iha Ospitál Prince Court, iha Kuala Lumpur, Malázia, hafoin hala’o tratamentu saúde intensivu.