𝐂𝐨𝐧𝐬𝐞𝐥𝐡𝐨 𝐝𝐞 𝐈𝐦𝐩𝐫𝐞𝐧𝐬𝐚 𝐇𝐚𝐥𝐚'𝐨 𝐀𝐮𝐝𝐢é𝐧𝐬𝐢𝐚 𝐡𝐨 𝐏𝐀𝐌 𝐀𝐢𝐧𝐚𝐫𝐨

𝐀𝐢𝐧𝐚𝐫𝐨, 𝟏𝟐 𝐀𝐠𝐨𝐬𝐭𝐮 𝟐𝟎𝟐𝟔 - Conselho de Imprensa de Timor-Leste (CITL), liu husi Xefe Departamentu Produsaun no Publikasaun (DPP), 𝐄𝐥𝐢𝐬𝐢𝐨 𝐏𝐢𝐧𝐭𝐨 𝐆𝐮𝐭𝐞𝐫𝐫𝐞𝐬 𝐒𝐨𝐚𝐫𝐞𝐬, hala'o audiénsia ho Prezidente Autoridade Munisípiu Ainaro, Manuela Georgina Carmo Bucar Corte-Real, ho objetivu atu halo entrevista ida ho PAM Ainaro kona-ba “Papel Mídia iha prosesu Desentralizasaun Administrativa iha Munisipiu Ainaro”.

Audensia ne’e realiza iha Gabinete Prezidente Autoridade Munisipiu Ainaro, Kuarta 12/08/2026.

Pedidu entrevista ne’e, atu priense programa "Liberdade Imprensa ha’u nia Liberdade”, ne’ebé Conselho de Imprensa de Timor-Leste (CITL) estabelese ona akordu hooperasaun ho Rádiu no Televizaun Timor-Leste, Empreza Públika (RTTL,EP) hodi fasilita divulgasaun informasaun kona-ba aktividade sira Conselho de Imprensa nian.

Konsidera katak mídia iha papel estatéjiku no importante tebes iha prosesu dezenvolvimentu nasionál, liu liu iha implementasaun programa XI Governu Konstitusionál kona-ba Desentralizasaun Administrativa no Governu lokál.

Tuir data tentativa ne’ebé iha atu halo entrevista ba Programa “Liberdade Imprensa ha’u nia Liberdade”, hamutuk ho Prezidente Autoridade Munisipiu Ainaru nian iha loron 18 Agostu 2026, no sei Públika iha RTTL,EP.