Dili, 10 Juñu 2026 – Jornalista husi Ajénsia Notisioza TATOLI.IP hala’o entrevista ida ho Diretór Ezekutivu Conselho de Imprensa de Timor-Leste (CITL), Antonio Dias iha nia Gabinete CITL, Quintal Boot, Dili.
Asuntu husi entrevista mak kona-ba prosesu ezekusaun orsamentu liu-liu iha liña rúbrika bens servisus ba kapasitasaun mídia no jornalista sira. Durante semester primeiru, Conselho de Imprensa realiza ona formasaun haat importante mak hanesan Formasaun Investigativu ne’ebe hala’o iha Maubisse, Treinamentu Media Literacy / Literasia Mídia, Treinamentu Jornalizmu Ambientál, no agora dadaun fasilita hela formasaun Feature Writing ne’ebé hala’o iha CITL.
Iha tinan 2026, Conselho de Imprensa hetan orsamentu adiosionál rihu atus rua ($ 200.000) husi Governu hodi fasilita formasaun ba jornalista sira. Aleinde ne’e, Conselho de Imprensa mós serbisu hamutuk ho parseiru estratéjiku sira hodi fasilita mós formasaun ba jornalista no mídia.
Haktuir iha planu asaun anuál CITL tinan 2026, Conselho de Imprensa sei realiza formasaun hamutuk 15 mak hanesan Treinamentu Media Literacy / Literasia Mídia (27 Marsu 2026), Treinamentu Jornalizmu Ambientál (23-24 Marsu 2026), Treinamentu Espesializada ba Investigative Reporting (20-24 Abril 2026), Treinamentu Espesializada ba Meiu Komunikasaun Imprime no Online kona-ba Feature Writing (8-12 Junu 2026), Treinamentu Verifika Faktu no Kombate Informasaun Falsu (22-26 Junu 2026), Treinamentu Literasia Artifisial Intelijensia (21-23 Jullu 2026), Treinamentu Planu Negósiu (27-29 Jullu 2026), Treinamentu Data Jornalízmu (3-7 Agostu 2026), Treinamentu Editorial Writing (24-28 Agostu 2026), Treinamentu Espesializada ba Meiu Komunikasaun Rádio no Televizaun kona-ba Feature Writing (7-11 Setembru 2026), Treinamentu Espesializada ba Kobertura “Ekonomia, Defeza, Seguransa no Saúde” (21-25 Setembru 2025), Trenamentu Hakerek Padraun Tetun INL ba Jornalista (26-30 Outubru 2026), Digital Training Faze I-II (Juñu), no Treinamentu ba Lideransa Sala Redasaun (Juñu).
Conselho de Imprensa mos akumula rezultadu enkontru entre CITL ho Mídia na’in ho Asosiasaun Jornalista hodi implementa mos sujestaun balun tuir realidade finanseira ne’ebé iha.