𝐃𝐢𝐥𝐢 𝐃𝐢𝐚𝐥𝐨𝐠𝐮𝐞 𝐅𝐨𝐫𝐮𝐦 𝟐𝟎𝟐𝟔: 𝐏𝐚𝐩𝐞𝐥 𝐌í𝐝𝐢𝐚 𝐛𝐚 𝐅𝐮𝐭𝐮𝐫𝐮 𝐈𝐝𝐚 𝐢𝐡𝐚 𝐏𝐚𝐳

Tinan ida ne’e, DDF realiza ba dala VIII hodi esplora kona-ba papel mídia nian hodi promove paz iha rai laran nomós rejiaun. Oradór na’in rua importante hanesan Antigu Jornalista, Yosep Adi Prosetyo no Mark Bowling Fahe sira nia esperiénsia kona-ba oinsá sira nia kobertura iha situasaun konflitu liu-liu iha tempu okupasaun indonézia nia mai Timor-Leste.

 

Iha sesaun nasional, Na’in ba Mídia GMN-Group, Jorge Manuel de Araújo Serano ko’alia kona-ba “Papel Mídika ba Hari’I Paz”, Observadór Mídia, Renato Apa Sege da Costa “Polítika Redasaun Mídia ba Promove Paz no Haburas Diálogu Interaktivu”, no Provedór Direirus Umanus no Justísa (PDHJ), Virgílio da Silva Guterres “Lamukan” fahe kona-ba Perspetiva PDHJ oinsa oinsá papel mídia ba asegura direitus umanus, liberdade imprensa no liberdade espresaun.

 

Konferénsia internasionál durante loron tomak ne’e, abertura husi Provedór Direirus Umanus no Justísa (PDHJ), Virgílio da Silva Guterres “Lamukan”, no ensera husi Vise Primeiru Ministru, Ministru Koordenadór Asuntu Sosiais no Ministru dezenvolvimentu Rural no Abitasaun Komunitária, Mariano Assanami Sabino.

 

Durante Konferénsia Internasionál Dili Dialogue Forum hamosu rekomendasaun importante lubuk ida ne’ebé bele tau atensaun hodi bele dezenvolve di’ak liutan seitor komunikasaun sosiál iha Timor-Leste.