Dili, 22 Abril 2026 – Conselho de Imprensa de Timor-Leste (CITL) sosializa revizaun regulamentu prémiu jornalízmu ba órgaun no meiu komunikasaun sosiál sira inklui mós jornalista iha salaun enkontru CITL, Quintal Boot, Dili.
Objetivu husi sosializasaun ne’e maka atu informa hikas ba mídia sira kona-ba mudansa sira iha prémiu jornalízmu nian ne’ebé hatur iha regulamentu nú. 2/2021 de 17 de Março kona-ba atribuisaun prémiu jornalízmu husi Conselho de Imprensa.
Mudansa prinsipál liu husi regulamentu nú. 2/2021 de 17 de Março kona-ba atribuisaun prémiu jornalízmu husi Conselho de Imprensa maka iha tinan ida ne’e jornalista sira nia produtu sei halo avalliasaun direta husi ekipa Conselho de Imprensa liuhusi monitorizasaun diária. Jornalista sira sei la halo ona aplikasaun ka submisaun dokumentus aplikasaun ba Conselho de Imprensa hanesan tinan sira ba kotuk.
Partisipa iha enkontru sosializasaun ne’e na’in ba órgaun no meiu komunikasaun sosiál, responsável mídia, asosiasaun jornalista no jornalista sira.
Bele asesu regulamentu nú. 2/2021 de 17 de Março kona-ba atribuisaun prémiu jornalízmu husi Conselho de Imprensa iha link tuir mai ne’e.