Jakarta – Pesoál sira Conselho de Imprensa de Timor-Leste (CITL), hamutuk na’in lima partisipa iha formasaun “Pemahaman Dasar Arbitrase & APS” iha Jakarta-Indonesia durante loron 2, 8-9 Abril 2026.
Formasaun ne’e fasilita husi Institut Arbiter Indonesia (IArbI) no pesoál sira ne’ebé partisipa iha formasaun refere mak hanesan Diretór DAJUS, Zenilton Zeneves, Tékniku DADM, Francisco José de Almeida, Julieta X. Sequeira, Tékniku DAJUS, Francisco B. Cunha no Tékniku Rekursu Umanu, Aniceto dos Santos.
Formasaun ne’e ho objetivu atu bele kapasita liutan pesoál sira CITL nian iha área arbitrajen. Haktuir iha estatutu Conselho de Imprensa iha artigu 44 no 45 fó kompeténsia ba Conselho de Imprensa hodi halo mediasaun ba disputa sira hasoru produtu jornalístiku.
IArbI foka ba dezenvolve abilidade, kompeténsia, koñesimentu no komprensaun kona-ba arbitrajen no Rezolusaun Disputa Alternativa (ADDR), no mós promove, sosializa no fó sai asuntu sira ne'ebé relasiona ho arbitrajen no ADDR.