Jakarta 11 de Abril 2026 – Pesoál Conselho de Imprensa de Timor-Leste (CITL) na’in neen remata ona sira nia formasaun kona-ba “Pelatihan Calon Penguji Standar Kompetensi Wartawan”, iha Jakarta-Indonesia.
Formasaun durante semana ida, hahú husi loron 6 - 11 Abril 2026, fasilita husi Lembaga Pers Dr.Soetomo (LPDS), iha ne’ebé partisipa husi formadu na’in neen maka hanesan Diretór DADM, Alberico da Costa Junior, Diretór DRII, Altino da Cruz Freitas, Xefe Departamentu Produsaun no Publikasaun, Elisio Pinto Guterres Soares, Tékniku DADM no DAJUS na’in tolu, Lazaro I. M. X. Fernandes, Maria Bibel no Antonito dos Reis Baptista.
Formasaun ne’e realiza tanba servisu entre Conselho de Imprensa de Timor-Leste ho Dewan Pers Indonesia ho ninia objetivu hodi hasae kapasidade pesoal sira Conselho Imprensa ninian iha prosesu avaliasaun no sertifikadu kompeténsia jornalista.
Hafoin remata formasaun, Konselleira Isabel M. F. de Jesus no Diretòr Ezekutivu LPDS hala’o enseramentu ba atividade kapasitasaun refere. Konselleira Isabel M. F. de Jesus hato’o agradese wa’in ba fomador sira ne’ebé durante loron neen nia laran esforsu fó matenek pesoal sira Conselho de Imprensa nian. Bainhira remata hosi formasaun ne’e sei aplika mos iha Timor-Leste, hodi nune’e bele hetan jornalista ne’ebe di’ak iha sira nia knaar.
Matéria no oradór sira ba formasaun mak hanesan Manajemen Redaksi “Bambang Harymurti”, Jurnlisme Data “Yura Syahrul”, Teknik Membangun Jejaring “Iin Yumiyanti”, Undang-undang Pers “Komaruddin Hidayat”. Ketua Dewan Pers”, Pentingnya Kode Etik dan prinsipprinsip jurnalisme “Lestantya R. Baskoro”, Investigative Reporting “Lestantya R. Baskoro”, Inclusive Journalism “Maria D. Andriana”, Teknik Membangun Jejaring “Iin Yumiyanti”, Literasi Media Digital “Priyambodo RH”, Konsultasi Pedoman Uji kompetensi Wartawan “Priyambodo R.H dan Maria D. Andriana”, Reporting for Peace “Rusdi Marpaung” no Konsultasi Pedoman Uji Kompetensi Wartawan Priyambodo R.H Maria D. Andriana.