Díli, 9 de abril 2026 - Conselho de Imprensa de Timor-Leste (CITL), konvida mídia na’in no asosiasaun jornalista sira hodi partisipa iha Forum Editorial ne’ebé realiza iha salaun Conselho de Imprensa, Quintal Boot, Dili objetivu bele partilla informasaun kona-ba planu Conselho de Imprensa nian atu kapasita jornalista sira iha tinan 2026.
Haktuir iha Planu Asaun Anuál Conselho de Imprensa nian, makai ha tinan 2026 CITL sei fasilita formasaun lubuk ida iha área oi-oin ba jornalista no mídia hodi bele kontribui ba kapasitasaun professional jornalista sira nian inklui hametin liutan instituisaun mídia sira nia ejisténsia nu’udar órgaun komunikasaun sosiál iha Timor-Leste.
Formasaun sira ne’ebé CITL sei fasilita mak hanesan, Jornalízmu Ambiental, Formasaun Espesializada iha área Ekonomia, Defeza, Justisa, Ambiente no Saúde, Formasaun Espesializada ba Investigativu, Formasaun Literasia Intelijensia Artifisiál, Formasaun Data Jornalízmu, Formasaun Planu Negósiu ba Mídia, no Formasaun Jestaun Redasaun.
Forum Editorial ida ne’e hanesan atividade regular ida husi conselho imprensa ne’ebe realiza kada trimestre atu deskute kona-ba rezultadu monitorizasaun ba produtu jornalistiku hodi forma klasse ida nune’e bele dezenvolve kapasidade jornalista. (CI)