Thailand – Membru Permanente organizasaun Southeast Asia Press Council Network (SEAPC-Net), realiza enkontru ida ho nasaun observadór sira hanesan Malaysia, Laos, Cambodia, Srilanka, Vietnam, inklui Thai Public Broadcasting Service (Thai PBS) no mos Universidade Chulalongkorn fakuldade Arte Komunikasaun.
Enkontru ne’e realiza iha loron 27 Marsu 2026, iha Tinidee Trendy Bangkok Khaosan Hotel, Thailand. Iha enkontru ne’e, konsetra ba pontu haat importante mak hanesan aprezenta desizaun Board of Director Meeting (BOD); rezultadu servisu sira SEAPC-Net nian durante Timor-Leste nia prezidensia, relatoriu kada reprezentante nasaun no observador inklui semináriu rejionál kona-ba papél mídia nian ba harii dame iha sudueste aziátiku.
Aleinde ne’e, delegasaun Conselho de Imprensa mós partisipa iha seminariu regional kona-ba “PEACE JOURNALISM: IDEAL, ILLUSION, OR STRUCTURAL IMPOSSIBILITY?” aprezenta hosi Assoc.Prof. Alongkorn (AL) Parivudhiphongs Faculty of Communication Arts Chulalongkorn University. Enkontru iha loron daruak ne’e realiza tanba servisu hamutuk entre SEAPC-Net, ho Thai Public Broadcasting Service (Thai PBS) no MBK
Membru permanente ne’ebé hol aparte iha enkontru no semináriu ne’e maka hanesan Dewan Pers Indonesia (DPI), Myanmar Press Council (MPC) no National Press Council of Thailand (NPCT), iha Tinidee Trendy Bangkok Khaosan Hotel, Thailand.
Delegasaun Conselho de Imprensa de Timor-Leste nian kompostu husi Prezidente Interina, Konselleira Suzana Bui Rai Carlota Cardoso, Konselleiru Benevides Correia Barros, Konselleiru Joaquim de Fátima Coutinho, no tékniku Finansas CI, Liliosa Amaral.