Dili, 30 Marsu 2026 – Conselho de Imprensa de Timor-Leste (CITL) hala’o enkontru jerál ida ne’ebé envolve Prezidente Interna, Membru Konsellu, Diretór Ezekutivu, Diretór Nasionál no Xefe Departamentu, no funsionáriu xave sira, iha salaun enkontru CITL, Quintal Boot, Dili.
Enkontru ne’e ho objetivu atu halo avaliasaun ba servisu sira ne’ebé implementa tiha ona no halo revizaun ba sira ne’ebé seidauk implementa tuir planu trimestral iha Planu Asaun Anuál CITL nian.
Durante enkontru, diresaun ida-idak aprezenta realizasaun no dezafiu sira ne'ebé maka hasoru iha trimestre dahuluk tinan 2026, hahú hosi fulan-Janeiru to'o fulan-Marsu. Diskusaun ne’e foka ba progresu programa, dezafiu operasionál, no medida sira ne’ebé sei halo iha trimesteral tuir mai.
Avaliasaun ne’e subliña mós importánsia husi koordenasaun entre diresaun sira atu asegura implementasaun planu servisu tuir mai ne’ebé efetivu no efisiente liután.