𝐕𝐢𝐳𝐢𝐭𝐚 𝐏𝐚𝐢𝐧𝐞𝐥 𝐅𝐨𝐭𝐨 𝐉𝐨𝐫𝐧𝐚𝐥í𝐳𝐦𝐮

Balibó – Bainaka sira ne’ebé partisipa iha atividade Komemorasaun Tinan 50 Trajédia Balibó 5 no Selebrasaun Tinan 3 Loron Nasional Liberdade Imprensa, hala’o vizita ba Painel Foto Jornalízmu ne’ebé prepara husi Conselho de Imprensa. Painel Foto Jornalízmu ne’ebé hatudu kona-ba kontribuisaun jornalista sira nian liuhusi sira nia kobertura ba atividade sira Timor ninian iha prosesu luta ba ukun rasik-án. Objetivu husi painel Foto Jornalízmu ne’e, bele husik hela istória jornalízmu nian iha tempu pasadu nune’e jerasaun sira tuir mai bele entende kona-ba kontribuisaun jornalízmu ninian iha luta ba auto-Determinasaun Timor-Leste nian. Hahú husi Prezidente Repúblika, Governu, Autoridade Lokal no Komunitáriu, Jornalista sira, Estudante balun, nomós komunidade sira vizita ba espozisaun foto Jornalízmu hodi hetan esplikasaun husi Xefe Departamentu Produsaun no Publikasaun, Elisio Pinto Guterres Soares.