𝐂𝐈𝐓𝐋 𝐧𝐨 𝐀𝐁𝐂𝐈𝐃 𝐊𝐨𝐧𝐭𝐢𝐧𝐮𝐚 𝐇𝐚𝐦𝐞𝐭𝐢𝐧 𝐊𝐨𝐨𝐩𝐞𝐫𝐚𝐬𝐚𝐮𝐧 𝐛𝐚 𝐊𝐚𝐩𝐚𝐬𝐢𝐭𝐚𝐬𝐚𝐮𝐧 𝐉𝐨𝐫𝐧𝐚𝐥𝐢𝐬𝐭𝐚

Balibó – Conselho de Imprensa de Timor-Leste (CITL) no Australian Broadcasting Corporation International Development (ABCID) kontinua hametin kooperasaun iha área kapasitasaun ba jornalista Timoroan sira. CITL no ABCID reforsa komitmentu ne’e liuhusi asina nota kooperasaun entre entidade rua refere iha loron 17 Outubru 2025, iha salaun enkontru Administrasaun Postu Administrativu Balibó. Nota Kooperasaun ida ne’e, introdús atividade lima importante ne’ebé nia implementasaun hahú husi fulan Jullu 2025 to’o Jullu 2026. Atividade lima ne’ebé implementa husi CITL no ABCID mak hanesan Treinamentu Lideransa-Foundation of Journalism, Komemorasaun Trajédia Balibó 5, Workshop Reportájen Inkluzivu, Treinamentu Literásia AI, no Bolsu Estudu ba Jornalista sira ne’ebé hakarak kontinua estudu iha área jornalízmu iha Australia.