𝐂𝐨𝐧𝐝𝐞𝐜𝐨𝐫𝐚çõ𝐞𝐬, 𝐓í𝐭𝐥𝐨 𝐏ô𝐬𝐭𝐮𝐦𝐨, 𝐜𝐨𝐦 𝐂𝐨𝐥𝐚𝐫 𝐝𝐚 𝐎𝐫𝐝𝐞𝐦 𝐝𝐞 𝐓𝐢𝐦𝐨𝐫-𝐋𝐞𝐬𝐭𝐞 𝐛𝐚 𝐉𝐨𝐫𝐧𝐚𝐥𝐢𝐬𝐭𝐚 𝐍𝐚’𝐢𝐧 𝟗

Balibó - iha ámbitu Komemorasaun Tinan 50 Trajédia Balibó 5 no Selebrasaun Tinan 3 Loron Nasional Liberdade Imprensa, Prezidente Repúblika, José Ramos Horta kondekora antigu jornalista na’in 9 ne’ebé mate iha Timor-Leste husi Tinan 1975-1999. Jornalista na’in 9 ne’ebé simu kordekorasaun liuhusi Decreto do Presidente da Republica N.0 102/2025, Condecorações, Títlo Pôstumo, com Colar da Ordem de Timor-Leste mak hanesan Gary Cunningham, Tony Stewart, Malcolm Rennie, Brian Peters, Francisco Borja da Costa, Kamal Bin Ahmed Bamadhaj, Bernardino Joaquim Afonso Guterres ”Berekai”, Sander Thoenes, Agus Mulyawan. Jornalista Timoroan na’in 2 hanesan Francisco Borja da Costa no Bernardino Joaquim Afonso Guterres ”Berekai”Mak simu kondekorasaun iha loron 16 Outubru 2025, iha Postu Administrativu Balibó, iha loron Komemorasaun Tinan 50 Trajédia Balibó 5 no Selebrasaun Tinan 3 Loron Nasional Liberdade Imprensa. Jornalista Australianu na’in 2 hanesan Gary Cunningham no Tony Stewart simu kondekorasaun iha Australia iha loron 20 Outubru 2025 iha ámbitu Komemorasaun Tinan 50 Trajédia Balibó 5, iha Melbourne-Australia.