𝐀𝐭𝐫𝐢𝐛𝐮𝐢𝐬𝐚𝐮𝐧 𝐏𝐫é𝐦𝐢𝐮 𝐂𝐨𝐧𝐬𝐞𝐥𝐡𝐨 𝐝𝐞 𝐈𝐦𝐩𝐫𝐞𝐧𝐬𝐚 𝐓𝐢𝐧𝐚𝐧 𝟐𝟎𝟐𝟓

Balibó – Conselho de Imprensa de Timor-Leste (CITL) atribui prémiu Conselho de Imprensa ba vensedór jornalista na’in 3 iha Komemorasaun Tinan 50 Trajédia Balibó 5 no Selebrasaun Tinan 3 Loron Nasional Liberdade Imprensa, iha loron 16 Outubru 2025, iha Munisípiu Bobonaro, Postu Administrativu Balibó. Jornalista manan na’in ba Prémiu Conselho de Imprensa no Prémiu The Best Balibó 5 Media Awards, mak hanesan Jornalista Online Diligente, Antónia Kastono Martins, (Manan Na’in Prémiu Adelino Gomes-Reportázen Jornalístika ho Lian Portugés di’ak liu no The Best Balibó 5 Media Awards). Jornalista Online SAPNews.TL, Ermelinda Soares, (Manan na’in Prémiu Francisco Borja da Costa – Reportázen Jornalístiku ho Asuntu Sosiál, iha Kategoria Mídia Imprime no Online). Jornalista Rádiu Televizaun Timor-Leste, Empreza Públika (RTTL, EP), Didiana Maria dos Reis Hornai (Manan Na’in Prémiu Greg Shackleton-Reportázen Jornalístiku ho Asuntu Sosiál, Kategoria Mídia Eletrónika, Rádiu no Televizaun).