Dili - Conselho de Imprensa de Timor-Leste (CI) maka lidera prezidensia organizasaun Southeast Asian Press Council-Network (SEAPC-Net) iha períodu tinan 2023-2025, liuhusi enkontru segunda asembleia jerál, iha Bali, Indonézia, 29 Novembru 2023.
Hafoin iha Setembru 2024 liu husi rekrutamentu ba Sekretaria SEAPC-Net, enkontru dahuluk ba membru permanente SEAPC-Net halo kedas iha 14 de Novembru 2024 no liu husi desijaun membru permanente SEAPC-Net katak kada fulan 3 tenke iha enkontru online zoom entre membru permanente sira. No iha dia 29 Abril 2025 enkontru da 4 membru permanente SEAPC-Net via zoom.
Partisipantes sira iha enkontru refere hamutuk (8 pessoas) husi organizasaun membru SEAPC-Net hanesan, Presidente Conselho de Imprensa Timor Leste, Otelio Ote, Sekreatriu Jeral SEAPC-Net, Diretur Ezekutivu no sekretariadu SEAPC-Net, Reprezentante Dewan Pers Indonesia (DPI), Asep Setiawan (1), Prezidente Myanmar Press Council, Tin Tun Oo no Sr. UAC Sony (2), Presidende The National Press Council of Thailand, Chavarong nain (1)
Diskusaun iha enkontru ida ne’e, (Intodusaun husi Sekretáriu Jéral SEAPC-Net, Diskusaun kle’an ba enkontru B.O.D iha Maiu dia 9, Diskusaun ba enkontru Asembleia jerál tuir mai no diversus).
Introdusaun husi Sekretariu Jeral SEAPC-Net ho presta sentidu solidariedade ba akontesimentu jornalista Franseca husi mídia Tempo, inklui sentidu simpatia no kondolensia ba vitima inklui jornalista afeitadu husi Rai nakdodko iha Myanmar no Tailándia.
Ajenda seluk mak ko’alia kona-ba enkontru B.O.D iha Maiu dia 9 de 2025, reprezentante prezensiál iha enkontru B.O.D mak Conselho de Imprensa Indonésia, Conselho de Imprensa Myanmar hamutuk ho Conselho de Imprensa Timor-Leste, Conselho de Imprensa Tailándia sei partisipa liu husi online zoom.
Ajenda asembleia jerál sei diskute iha enkontru B.O.D inklui Planu Prioridade Stratéjiku Organizasaun SEAPC-Net, formatu krietria no aplikasaun membru foun ba SEAPC-Net, quota ba Organizasaun SEAPC-Net husi $100 ba $ 500-$1000 husi kada pais membru, treinamentu, workshop ka programa Internship nomós enkontru Asembleia jerál tuir mai hodi troka uma nain B aorganizasaun SEAPC-Net. No desijaun sira ne’e hotu sei deskute ho detallu iha enkontru Board Of Director (B.O.D) iha Maiu dia 9 iha Dili, Timor-Leste.
No ikus liu Prezidente Conselho de Imprensa Sr. Otelio Ote hato’o ninia mensajen no agradesimentu ikus katak Konsellu Imprensa ne’e nasaun idak idak nian maibe organizasaun SEAPC-Net ne’e ita hotu nian hamutuk ita dezenvolve no haburas liu tan liberdade imprensa no liberdade espresaun hodi haburas no garante justisa no demokasia iha ita nia servisu no ita nia rain ba membru permanente sira hotu ba mandatu ikus iha fulan Abril nu’udar prezidente Conselho Imprensa no Prezidente ba Organizasaun SEAPC-Net hodi troka fali ba membru foun. (CI)