Dili – Conselho de Imprensa de Timor-Leste (CI), realiza audiénsia ho Vise Ministra ba Asuntu ASEAN, Milena Rangel hodi ko’alia kona-ba serbisu Conselho de Imprensa nian iha Organizasaun Southeast Asian Press Council-Network (SEAPC-Net).
Iha biban enkontru ne’ebé hala'o iha loron kinta, 09 Janeiru 2025, iha salaun enkontru MNEK, Praia dos Coqueiros, Dili, Conselho de Imprensa husu apoiu ba Vise Ministra ba Asuntu ASEAN hodi bele fasilita partisipasaun Conselho de Imprensa nian iha enkontru sira entre membru SEAPC-Net iha Tailandia nomós nasaun seluk tan.
Aleinde ne’e, Conselho de Imprensa hamutuk ho Vise Ministra ko’alia mós kona-ba asuntu kooperasaun entre CI ho MNEK hodi hola papel importante balun iha Serbisu ASEAN nian.
Hola parte iha enkontru ne’e, Vise Ministra ba Asuntu ASEAN, Milena Rangel, Konselleiru Benevides Correia Barros, Diretór Ezekutivu, Antonio Dias, Diretór Diresaun Relasaun Institusional no Indormasaun, Altino da Cruz Freitas, Pesoa Apoiu Gabinete SEAPC-Net, Juliana I. M. Abilio no pesoa apoiu koperasaun Estanislau Lourdes.
Southeast Asia Press Council Network (SEAPC-Net) nia papél prinsipal maka oinsá bele promove Liberdade Imprensa no Liberdade Espresaun iha reziaun Sudeste Aziátiku, inklui halo advokasia no kapasitasaun ba mídia ho jornalista sira. (CI)