𝐂𝐨𝐧𝐬𝐞𝐥𝐡𝐨 𝐝𝐞 𝐈𝐦𝐩𝐫𝐞𝐧𝐬𝐚 𝐃𝐢𝐬𝐤𝐮𝐭𝐞 𝐀𝐥𝐭𝐞𝐫𝐚𝐬𝐚𝐮𝐧 𝐋𝐞𝐢 𝐊𝐨𝐦𝐮𝐧𝐢𝐤𝐚𝐬𝐚𝐮𝐧 𝐒𝐨𝐬𝐢á𝐥 𝐡𝐨 𝐑𝐞𝐬𝐩𝐨𝐧𝐬á𝐯𝐞𝐥 𝐌í𝐝𝐢𝐚 𝐧𝐨 𝐀𝐬𝐨𝐬𝐢𝐚𝐬𝐚𝐮𝐧 𝐉𝐨𝐫𝐧𝐚𝐥𝐢𝐬𝐭𝐚

Dili, 5 Agostu 2025 – Conselho de Imprensa de Timor-Leste (CITL) realiza enkontru importante ho Responsável Mídia no reprezentante sira husi Asosiasaun Jornalista atu diskute proposta alterasaun ba Lei Komunikasaun Sosiál, ne’ebé iha relasaun direta ho dezenvolvimentu era dijitál.

Iha enkontru ne’e, ne’ebé hala’o iha salaun enkontru CITL iha Dili, CITL aprezenta proposta alterasaun lei ne’e ho finalidade atu adapta lei existente ho dezenvolvimentu teknologi no kontekstu komunikasaun dijitál ne’ebé kontinua dezenvolve.

Prezidente Conselho de Imprensa, membru sira, Diretór Ezekutivu ho estruktura CITL, hamutuk ho lideransa husi Asosiasaun Jornalista sira, Diretór Mídia no Prezidente Konsellu Diretivu Ajénsia Notisioza TATOLI.IP, partisipa direta iha diskusaun.

Durante diskusaun, CITL la’ós de’it aprezenta proposta, maibé mós fó oportunidade atu rona kontribuisaun, konsiderasaun no sujestu konstrutivu husi partisipante sira, hodi akumula ideia sira atu hadi’a proposta lei ne’e.

Objetivu prinsipal husi alterasaun lei mak atu fó báze legál ne’ebé klaru, aktuál no aplikável ba era dijitál, nune’e lei komunikasaun sosiál bele responde ba dinámika teknolójika no dezafiu komunikasaun iha Timor-Leste agora no iha futuru. (CITL)