𝐀𝐩𝐫𝐞𝐳𝐞𝐧𝐭𝐚𝐬𝐚𝐮𝐧 𝐑𝐞𝐳𝐮𝐥𝐭𝐚𝐝𝐮 𝐌𝐨𝐧𝐢𝐭𝐨𝐫𝐢𝐳𝐚𝐬𝐚𝐮𝐧 𝐧𝐨 𝐀𝐧á𝐥𝐢𝐳𝐚 𝐤𝐨𝐧𝐚-𝐛𝐚 𝐏𝐫𝐨𝐝𝐮𝐭𝐮 𝐉𝐨𝐫𝐧𝐚𝐥í𝐬𝐭𝐢𝐤𝐮 𝐏𝐞𝐫í𝐨𝐝𝐮 𝐒𝐞𝐦𝐞𝐬𝐭𝐞𝐫á𝐥 𝐏𝐫𝐢𝐦𝐞𝐢𝐫𝐮

Díli, 29 Agostu 2025 – Conselho de Imprensa de Timor-Leste (CITL) realiza fórum editoriál iha salaun enkontru CITL, Quintal Boot, ho partisipasaun husi responsável órgaun, meiu komunikasaun sosiál, xefe redasaun no jornalista sira husi instituisaun públiku no privadu. Iha sorumu ida-ne’e, Conselho de Imprensa aprezenta ba komunidade mídia rezultadu monitorizasaun no análiza kona-ba produtu jornalístiku ba períodu semesterál primeiru tinan 2025. Rezultadu monitorizasaun hatudu katak iha tempu semesterál primeiru, parte husi jornalista no meiu komunikasaun sosiál sira balun kontinua halo violasaun kontra Kódigu Deontolójiku Jornalízmu. Diretór Ezekutivu CITL, Antonio Dias hatete rezultadu monitorizasaun ida ne’e la’ós atu halo julgamentu ba jornalista ka meiu komunikasaun sosiál sira, maibé konsidera nu’udar mekanismu ida atu fortifika kapasidade redasaun meiu komunikasaun sosiál sira, hodi hasa’e kualidade produtu jornalístiku iha futuru.