Maubissi, 16 Dezembru 2024 – Conselho de Imprensa de Timor-Leste (CI) realiza retiru anuál tinan 2024 iha Munisípiu Ainaro, Postu Administrativu Maubissi, husi loron 16 to’o 19 dezembru 2024.
Retiru anuál ho tema “Hamutuk ba Futuru Ida Di’ak Liu” ho objetivu atu bele avalia hikas serbisu bazeia ba programa no planu asaun anuál 2024 nian ne’ebé realizadu ona durante tinan 2024.
Aleinde ne’e, oinsá maka bele buka hatene frakeza no dezafiu sira ne’ebé institusionalmente Conselho de Imprensa hasoru nune’e bele hadi’a di’ak liutan liuhusi programa no planu asaun anuál tinan 2025 nian.
Partisipa iha retiru anuál ne’e, Prezidente Conselho de Imprensa ho membru sira, Diretór Ezekutivu, Kargu Xefia no funsionáriu tomak Conselho de Imprensa. (CI)