Dili – Conselho de Imprensa de Timor-Leste (CI) serbisu hamutuk ho Asosiasaun Jornalista sira organiza konferénsia ba hili membru foun Conselho de Imprensa períodu 2025-2029, iha salaun Katedral, Dili, iha loron 13 dezembru 2024.
Partisipa iha Konferénsia hili membru foun ba reprezentasaun jornalista ba Conselho de Imprensa maihusi jornalista sira ne’ebé hetan ona karteira professional husi Conselho de Imprensa.
Lei Komunikasaun Sosial artigu 45 kona-ba kompozisaun haktuir Conselho de Imprensa kompostu hosi membru sira na’in lima, ne’ebé hili hanesan tuirmai: Reprezentante na’in rua ne’ebé hili husi jornalista sira rasik, liuhosi eleisaun; Reprezentante ida husi órgaun komunikasaun sosiál, ne’ebé hili husi jornalista sira rasik, liuhosi eleisaun; Sidadun na’in rua, matenek no iha esperiénsia profisionál ne’ebé kle’an liuliu kona-ba komunikasaun sosiál, husi sira na’in rua ne’e ida jurista, ne’ebé hatudu hosi Parlamentu Nasionál.
Iha artigu 46, lei komunikasaun sosiál kona-ba mandatu membru Conselho de Imprensa nian iha durasaun tinan haat, ne’ebé sei bele renova dala ida de’it. (CI)