Dili – Kuarta-feira, 11 dezembru 2024, iha salaun Golden Star, Audian, Conselho de Imprensa de Timor-Leste (CI) realiza eleisaun reprezentante órgaun komunikasaun sosiál ba Conselho de Imprensa períodu 2025 – 2029.
Partisipa iha elesaun refere mai husi mídia na’in, asosiasaun jornalista, diretór mídia balun, prezidente no membru Conselho de Imprensa, Diretór Ezekutivu ho strutura CI nian, nomós jornalista sira.
Tuir konvite Conselho de Imprensa ba orgaun komunikasaun Sosial hamutuk 27 mak, STLNews, Timor-Post, GMN, Jornal Independente, The Dili Weekly, Radio Voz, Media One Timor, Time Timor, Dili Post, Gardamor, TVE, Tempo Timor, Lafaek News, Lalatak Online, Loluwari, Timor News, Hatutan, SMNNews, VIP-TV, Diligente, SapNews, Yokalau Media, Lian Orluli, Media.Cot, Halibur News, Media Mudansa
Lei komunikasaun sosiál artigu 45 kona-ba kompozisaun haktuir Conselho de Imprensa kompostu hosi membru sira na’in lima hanesan, reprezentante na’in rua ne’ebé hili husi jornalista sira rasik, liuhosi eleisaun; Reprezentante ida husi órgaun komunikasaun sosiál, ne’ebé hili husi jornalista sira rasik, liuhosi eleisaun; Sidadun na’in rua, matenek no iha esperiénsia profisionál ne’ebé kle’an liuliu kona-ba komunikasaun sosiál, husi sira na’in rua ne’e ida jurista, ne’ebé hatudu hosi Parlamentu Nasionál.
Artigu 46, lei komunikasaun sosial kona-ba Mandatu Membru Konsellu Imprensa nian iha durasaun tinan haat, ne’ebé sei bele renova dala ida de’it. (CI)