CITL Partisipa iha Enkontru Membru Permanente SEAPC-Net

Dili, 12 Janeiru 2026 – Iha segunda-feira ne’e, Conselho de Imprensa de Timor (CITL) host enkontru membru permanente Southeast Asian Press Council-Network (SEAPC-Net) via online zoom. Enkontru membru permanente SEAPC-Net hahú ho introdusaun husi Sekretáriu jerál SEAPC-Net Benevides Correia Barros, ho ajenda neen (6) mak hanesan Bemvindu no Introdusaun, diskusaun Board of Director (B.O.D), Diskusaun preparasaun ba Asembleia Jerál, diskusaun quota anuál Organizasaun SEAPC-Net, Diversus no planu enkontru tuir mai. Prezidente SEAPC-Net lamarka prezensa tamba kondisaun saúde, iha enkontru ne’e marka mos prezensa husi Chavarong prezidente Conselho de Imprensa Tailándia ho nia Sekretária Sra. Summonchaya, Prezidente Conselho de Imprensa Myanmar Tin Tun Oo no marka mos prezensa husi Konseleira Suzana hanesan mós Diretora SEAPC-Net Timor-Leste, Sudrajat husi Indonézia inklui Diretór Ezekutivu, Diretór DRII no sekretária SEAPC-Net. Durante enkontru Konselleiru Benevides ko’alia kona-ba enkontru B.O.D ne’ebé mak tuir loloos realiza ona iha tinan kotuk 2025 no iha oráriu sei enkontru iha loron dahuluk Asembleia Jerál tinan ida ne’e, Chavarong mós esplika kona-ba ajenda no data fixu ba enkontru Asembleia jerál ne’ebé mak sei halo iha Tailándia iha fulan Marsu hahu husi dia 26-28 tinan ida ne’e ho partisapante husi nasaun 3 kada nasaun responsavél ba ninia billete aviaun no Tailándia responsável ba akomodasaun durante loron tolu nune’e Timor-Leste ema na’in 3, Indonézia ema na’in 2 no Myanmar na’in 2, inklui mós observadór na’in 8 husi país Cambodia na’in 2, Vietnam na’in 1, Sri lanka na’in 1, Press Arbitrary of Korea na’in 1, Cebu Citizen Press Council na’in 1, Malázia na’in 1 no Laos na’in 1 , no membru permanente sira hotu hetan ona esbosu ba oráriu no ajenda asembleia jerál nian liu husi sekretária Conselho de Imprensa Tailándia, tamba dadauk ne’e entre país Cambodia no Tailándia iha hela dalan ba Cesar Fogu hafoin konflitu fronteira iha fulan Dezembru tinan 2025 nune’e Chavarong husu atu Timor-Leste bele manda konvite offisiál ba Cambodia. Iha parte seluk relasiona ho quota anuál SEAPC-Net, sei iha diskusaun kona-ba prosesu transferénsia no membru permanente sira prontu ona atu halo transferénsia, maibé parte Timor-Leste hanesan uma nain nafatin husu atu bele fó tempu tan uituan atu bele prepara ba prosesu ne’e ho di’ak liu husi koordena ho parte finansas no tempu badak sei notifika fali ba membru permanente sira atu halo transferénsia. Planu enkontru membru permanente SEAPC-Net via online ba dala VII tuir mai sei realiza iha fulan Fevereiru 2026.