CITL, AVFTL no UNESCO Lansa Sítiu Eletróniku Verifika Faktu

Dili, 04 Dezembru 2025 – Conselho de Imprensa de Timor-Leste (CITL) serbisu hamutuk ho UNESCO Jakarta no Aliansa Verifikadór Faktu Timor-Leste (AVFTL), lansa sítiu eletróniku verifika faktu. Sítiu Eletróniku ne’e hodi fasilita aliansa verifikadór faktu hodi bele sosializa ba públiku kona-ba serbisu aliansa verifikadór faktu ninian kona-ba oinsá bele verifika informasaun falsa sira ne’ebé la’o iha públiku. Sítiu Eletróniku refere lansa direta husi Sekretáriu Estadu Komunikasaun Sosiál, Prezidente Conselho de Imprensa, UNESCO Jakarta, Adjuntu Provedór Governasaun Di’ak, hamutuk ho parseiru estratéjiku sira, inkui mós jornálista no estrutura tomak Aliansa Verifikadór Faktu. Hafoin remata lansamentu sítiu eletróniku AVFTL, kontinua kedan ho diskusaun ba workshop[ ida ba estrutura no ekipa tomak AVFTL nian ho tema “Futuru Funsionamentu Aliansa Verifikadór Faktu Liuhusi Estabelesimentu Vizaun, Misaun no Asaun Estratéjiku”. Estabelesimentu Aliansa Verifikadór Faktu Timor-Leste, inisia husi Conselho de Imprensa no hetan apoiu husi UNESCO Jakarta, iha ne’ebé ofisialmente liuhusi kongresu ida ne’ebé realiza iha loron 9 Jullu 2025, iha Conselho de Imprensa, Quintal Boot, Dili, Timor-Leste.