Dili – Conselho de Imprensa de Timor-Leste (CI) hanesan prezidénsia ba Organizasaun Southeast Asian Press Council-Network (SEAPC-Net), kinta-feira, 14 novembru 2024, realiza enkontru ho membru organizasaun SEAPC-Net.
Enkontru ne’e realiza via online zoom, partisipa husi organizasaun membru SEAPC-Net hanesan, Dewan Pers Indonesia (DPI), Myanmar Press Council, The National Press Council of Thailand nomós Conselho de Imprensa rasik.
Durante enkontru, Membru SEAPC-Net transmite ba malu kona-ba lala’ok serbisu jornalista sira nian inklui dezenvolvimentu mídia iha kada nasaun hirak ne’e. aleinde ne’e, atualiza ba malu mós kona-ba situasaun polítika iha kada nasaun ne’ebé fó implikasaun direta no indireta ba seitór komunikasaun sosiál.
Membru SEAPC-Net atualiza mós kona-ba prosesu espnasaun rede SEAPC-Net ba país sira reziaun sudeste aziátiku hodi bele hola parte iha rede conselho de imprensa refere.