Díli – Conselho de Imprensa de Timor-Leste (CI) estabelese akordu kooperasaun ho Ministériu Públiku (MP) hodi bele promove di’ak liutan Liberdade Imprensa no Liberdade Espresaun iha Timor-Leste.
Akordu kooperasaun ne’e, asina husi Prezidente Conselho de Imprensa, Otelio Ote no Parte Ministériu Públiku husi Prokuradór Jeral Repúblika Dr. Alfonso Lopez, iha salaun enkontru Conselho de Imprensa, Quintal Boot, Díli, tersa-feira, 16 Jullu 2024.
Nota entendimentu ida ne’e mai husi nesesidade atu artikula asaun balun entre Conselho de Imprensa de Timor-Leste no Ministériu Públiku hodi asegura justísa tuir lei, protesaun ba liberdade imprensa no liberdade espresaun inklui konsiensializa sidadaun ne’ebé servisu iha área jornalízmu atu kumpri lei.
Objetivu espesífiku husi akordu ne’e maka “Ministériu Públiku fo protesaun ba liberdade imprensa no liberdade espresaun no Ministériu Públiku sei uza lei komunikasaun sosiál hodi rezolve produtu jornalístiku ne’ebé diskunfia kontra lei antes aplika lei sira seluk.”
Akordu servisu hamutuk ne’e nu’udar savi importante atu rezolve kualker kazu sivil hirak ne’ebé kontra lei iha área jornalízmu no mídia husi setór komunikasaun sosiál ne’ebé parte Conselho de Imprensa de Timor-Leste ho Ministériu Públiku konkorda desidi buka forma entendimentu atu promove servisu hamutuk ne’ebé di’ak entre instituisaun rua atu kazu sira liga ho produtu jornalístiku no mídia rezolve tuir Lei Komunikasaun Sosiál nú. 5/2014 liu husi prosesu mediasaun tuir artigu 44, alínea g iha Lei Komunikasaun Sosiál nomós aplika direitu resposta no retifikasaun tuir artigu 34.
“Protesaun ba liberdade imprensa no liberdade espresaun, Prepara mekanizmu adekuadu ba aplika lei rezolve kasu ne’ebé liga ho produtu journalístiku, Dezenvolve programa konjunta hodi promove objetivu hosi instituisaun rua.” Sita iha akordu kooperasaun CI ho MP.
Conselho de Imprensa iha objetivu prinsipál atu promove liberdade espresaun no liberdade imprensa inklui asegura atividade jornalístika ho profesionalízmu nomós respeitu di’ak liu tan padraun étika no kualidade, ne’ebé hari bazeia lei komunikasaun sosiál no.5/2014 ho kna’ar atu asegura liberdade imprensa no liberdade espresaun.
Ministériu Públiku hari bazeia ba lei no.7/2022, 19 Maiu no redasaun foun hosi Lei no.7/2023, loron 5 fulan Abril ho kompeténsia atu reprezenta no defende interese estadu nia, promove ezekusaun ba desizaun tribunál sira-nian atu bele iha lejitimidade; dirije investigasaun kriminál, no realiza asaun prevensaun kriminál sira; rekere fiskalizasaun kona-ba konstitusionalidade hosi aktu normativu no seluk tan.
Akordu servisu hamutuk ne’e nu’udar xave importante atu rezolve kualker kazu sivil hirak ne’ebé kontra lei iha área jornalízmu no mídia husi setór komunikasaun sosiál ne’ebé parte Conselho de Imprensa de Timor-Leste ho Ministériu Publiku konkorda desidi buka forma entendimentu atu promove servisu hamutuk ne’ebé di’ak entre instituisaun rua atu kazu sira liga ho produtu jornalístiku no mídia rezolve tuir Lei Komunikasaun Sosiál nú. 5/2014 liu husi prosesu mdiasaun tuir artigu 44, alínea g iha Lei Komunikasaun Sosiál nomos aplika direitu resposta no retifikasaun tuir artigu 34. (CI)