Díli - Conselho de Imprensa de Timor-Leste (CI), no ABC-International Development realiza Treinamentu Reportajen Kle’an ka In-Depth Reporting Training ba Jornalista sira, durante loron 4, hahú 3-6 Juñu 2024, iha Palm Business and Trade Center, 2nd Floor, Rua de Hudi-Laran, Dom Aleixo, Dili.
Iha abertura treinamentu, Diretór Ezekutivu Conselho de Imprensa de Timor-Leste (CI), Antonio Dias hatete in-depth reporting importante tebes tanba iha mundu ohin, jornalizmu ida di’ak tenke hatudu nafatin nia prinsípiu no direitu jornalizmu nian liu husi in-depth reporting.
“tanbasá mak ita halo treinamentu ida ne’e, no tanbasá mak ita halo iha momentu ema nia hanoin ba futuru jornalizmu nakukun, tanba ho dezenvolvimentu teknolojia ne’ebé mai, ita iha revolusaun foun teknolojia, intelijénsia artifisiál, ne’ebé tau jornalizmu hanesan kruzamentu, la hatene atu ba ne’ebé, ema konfuzu ho se mak jornalista no se mak la’ós jornalista, tanba ne’e mak Conselho de Imprensa nia kompromisu nia kompromete, kontinua koopera ho ABCID”, dehan Diretór Ezekutivu Antonio Dias
Aaron Kearney, Director, Engagement and Programs, ABCID (ABC International Development) orugullu ho kooperasaun entre ABC-ID ho CI no iha komitmentu atu kontinua koopera ho CI iha treinamentu espesífiku sira iha períodu tuir mai.
Zemila da costa calau, Jornlista husi www.neonmetin.info hateten kooperasaun ABC ho Conselho de Imprensa nu’udar parte ida di’ak no importante tebes hodi tulun mós jornalista sira atu komprende kle’an liu kona-ba in-depth reporting nian.
Sekretariu Estadu Komunikasaun Sosial, (SEKOMS), ensera treinamentu ne’e ho entrega sertifikadu ba partisipante na’in 12, feto 4, mane 8, mai husi www.neonmetin.info, www.hatutan.com, www.midiamudansa.com, Jornál Timor Post, Jornal Independente, Jornal Dili Post, Radio Liberdade Dili, GMN no RTTL, EP. Marka mós prejensa iha sesaun enseramentu, Prezidente Coselho de Imprensa de Timor-Leste (CI), Otelio Ote.
Fasilitador treinamentu ne’e mak Aaron Kearney no Mark Bowling husi ABCID (ABC International Development) no Alberico da Costa Junior no Maria Bibel husi Conselho de Imprensa de Timor-Leste (CI). Antonio Sampaio Eis Jornalista Korespondente LUSA. (CI)