Railaco - Conselho de Imprensa de Timor-Leste (CI) serbisu hamutuk ho Institutu Nasional Administrasaun Públika (INAP) realiza formasaun ba funsionáriu Conselho de Imprensa hamutuk na’in 15.
Formasaun ne’e realiza iha Munisípiu Ermera, Postu Administrativu Railaco, durante semana ida hahú husi loron 22-26 Jullu 2024, foka liu ba área Planeamentu, Monitorizasaun Avaliasaun no Relatóriu.
Objetivu husi formasaun ne’ebé organiza husi parte Rekursu Umanu Conselho de Imprensa nian maka atu hakle’an koñesimentu funsionáriu sira nian iha área Planeamentu, Monitorizasaun Avaliasaun no Relatóriu.
Formasaun refere ofisialmente loke husi Prezidente Conselho de Impresa, Otelio Ote. No ensera husi Diretór Ezekutivu Conselho de Imprensa António Dias no Diretór Formasaun INAP, Luis Amaral.
Iha enseramentu, Diretór Ezekutivu Conselho de Imprensa, Antonio Dias hatete formasaun ne’e la’ós de’it atu kapasita funsionáriu hodi prepara-án ba future maibé mós bele kontribui ba dezempeñu Conselho de Imprensa nian.
Diretór Ezekutivu hato’o agradese wa’in ba INAP ne’ebé bele sai ona parseiru Conselho de Imprensa nian. Hato’o mós agradese wa’in ba formadór sira ne’ebé fó ona tempu no matenek ba funsionáriu sira Conselho de Imprensa nian.
Iha fatin hanesan, Diretór Formasaun INAP, Luis Amaral mós hatete durante fó formasaun ba funsionáriu sira atu bele priense lakuna ne’ebé durante ne’e Conselho de Imprensa hasoru hanesan oinsá halo planeamentu ne’ebé di’ak, halo monitorizasaun, avaliasaun no relatóriu.
Diretór INAP mós kontente tanba durante formasaun, partesipantes sira partisipa ho másimu no ativu tebes. Diretór mós husu atu formasaun labele to’o iha ne’e de’it, tanba iha INAP estabelese formasaun oin-oin ne’ebé bele mós hola parte husi funsionáriu sira Conselho de Imprensa.
Formadór sira ba formasaun refere mai husi INAP mak hanesan Jose de Araújo Chang (Planeamentu), Teotonio Duarte Pinto (Planeamentu), Francisco Leto Cao (Ezekusaun no Monitorizasaun), Almério Saldanha Borges (Ezekusaun no Monitorizasaun) no Luis Amaral (Avaliasaun no Relatóriu).
Formasaun durante loron lima ho durasaun oras 40, partisipa husi Aniceto dos Santos (DRH), Angelina Gusmão (Gabinete), Domingas do Rego (DSK), Dulce T. da Costa (DSK), Francisco B. Cunha (DAJUS), Manuel A. G. da Silva (DSK), Lazaro Ximenes (DADM), Julieta X. Suqueira (DADM), Santino Dare Matias (DRII), Georginho A. Fernandes (DSK), Efrem Duarte Guterres (DRII), Rosalina P. da Rocha (DRH), Agostinho da S. Soares (DSK), David D. Gonçlves (DSK) no Jose D. C. D. J. de Almeida (DSK). (CI)