Batugade, 06 Agostu 2024 – Conselho de Imprensa de Timor-Leste (CI), liuhusi Fiskál Úniku, João Paulo no Xefe Departamentu Produsaun no Publikasaun, Elisio Pinto G. Soares hala’o enkontru ho Komandante Polísia Unidade Patrollamentu Fronteira (UPF), Superintendente Euclides Belo.
Enkontru ne’e hala’o iha Gabinete Komandante UPF, Batugade, iha loron 06 Agostu 2024 hodi halo kordenasaun preparativus ba realizasaun atividade komemorasaun Loron Nasionál Liberdade Imprensa, 16 Outubru 2024, iha Postu Administrativu Balibo, Munisípiu Bobonaro.
Tuir planu iha ámbitu komemorasaun loron nasional liberdade imprensa, Conselho de Imprensa sei realiza “Media Tour” iha fronteira iha ne’ebé sei lori jornalista sira atu bele la’o tuir liña fronteira hodi bele hare direta, halo kobertura ba situasaun no kondisaun real iha liña fronteira Timor-Leste ho Indonézia.
iha enkontru ne'e, Conselho de Imprensa mós husu ba Komandante UPF atu bele hato'o mós mensajen ba komemorasaun Loron Nasional Liberdade Imprensa, 16 Outubru 2024, liuhusi gravasaun imajen hodi bele publika iha kanal RTTL, EP no GMN. (CI)